Dakilang Bayani
By: Kyla Mary S. Guste
Sa iyong paglisan
O! aming dakilang Rizal
Huling tulang paalam mo'y
Kailan man hindi malilimutan .
Sa iyong mga tula
Na iyong inilathala
Ipinaramdam mong
Mahalin ang ating bansa
Itong tula na iyong ginawa
Ay para sa iyong kapwa
Nag hudyat ng simula
Para sa mabuting gawa
Kung paano kami'y mamulat
Sa kung anong kinahaharap
At magiging hinaharap
Ng ating Bansang naghihirap
Sa iyong mensahe ipinadala
Iyong ipinakita at ipinadama
Kung gaano mo kamahal at ipinaglaban
Ang sa mga Pilipino'y karapatan
Tunay na isa kang dakilang bayani!
Ang sa lahat ay sa iyo'y nagbubunyi
Kaming lahat ay iyong napahanga
Sa sakripisyo mong iyong ginawa
Sa huling paalam na iyong tula
Mensahe sa amin ay iyong ipinaunawa
Na kami mga Pilipino ay huwag basta agad magtiwala
Sa mga dayuhan di katiwa-tiwala
Tulang nagpakita nang maging makabayan
Gumawa ng mga bagay na di lang pansariling kapakinabangan
Kundi umisip rin ng makabuluhang paraan
Para makatulong sa bayang sinilangan
Kahit si Rizal ay nasa kanya ng huling sandali
Pagmamahal nya sa Pilipinas ay nananatili
Paghihirap ay di pinansin
Sapagkat pagmamahal sa bayan ang siyang mithiin
Sariling bansa ay atin pagka-ibigin
Atin itong pagyamanin at pagkamahalin
Tulad ng nais ni Rizal na bansa'y huwag limutin
Dahil ito'y atin at sa kahit sa huli, ay mananatiling atin.
Comentários