TAKDANG GAWAIN

by: Bukatkat

Sa umagang ako’y gigising

Dudungaw sa bintana dama ang simoy ng hangin

Ilang minuto pang titingin

‘Itong hardin ni tatay, talagang nakakahumaling’

Panibagong araw

Heto na naman sa ilalim ng sikat ng araw

Paniguradong likod ko’y puno na naman ng bungang araw

Paguwi ko’y sisigawan pang ako’y amoy araw

Tipikal na umaga para sa akin

Sa ilalim ng punong mangga, sa likod ng bahay naming

Sa kubong niyari, doon ako namamalagi

Presko at malalim dito, tamang-tama hindi ako hihikain

Takbo doon, takbo rito

Hagalakan doon, hagalpakan rito

May pagkendeng at pagikot pa hanggang sa mahilo

Tila hindi nababahala sa nararamdamang pagod ko

Saglit na napahinto at napaisip

Namangha sa nabasa kong sipi

Sa papalubog na araw ako’y napasilip

‘Novena ay papalapit na, Pepe’

Hapon na at uwian na

Bukas nga pala ay uwian na

Mga gawain ko ay nakalimutan na

Naku! Lagot na naman kay Mama