Takipsilim

by: Tipaklong

Kung saan nag-aagaw ang liwanag at kadiliman, pag-asa at pagkasadlak na maihahalintulad sa kainosentahang namulat sa kasarimlan ng lipunan. Sa pagwawagi ng kadiliman, pangamba ay di maiwasan. Sapagkat, ito ay sumisimbolo din sa karahasan at panlilinlang. Ngunit, maghanap ng mabuti at iyong matatagpuan ang kapirasong buwan na nagbibigay liwanag sa gitna ng kadiliman. Idagdag mo pa ang mga ibong humuhuni mula sa kawalan at sumisimbolo pag-asang pwedeng ibigay ng kapwa biktima ng kasarimlan.