Basong Babasagin

by: Belalang

Naalala mo pa ba, ang iyong buhay pagkabata?

Mga panahong ika'y umiiyak at nadarapa?

Minsan ba'y gusto mo na lang balikan

Ang mga kwentong hanggang alaala nalang?

Tulad ko'y si Rizal ay dumaan din sa pagiging munting paslit

Subalit, bakit parang kakaiba?

Kakaiba ang kanyang munting katangian kumpara sa akin

Sapagkat kahanga-hanga ang angking galing

Di makakailang siya ay pinagpala

Dahil sa murang edad, ipinamalas ang abilidad

Hindi lang sa isa o dalawang larangan

Sapagkat hindi mabilang sa daliri ang kakayahan

Sa kabila ng maningning na katauhan

Hindi pa rin maitatago ang kahinaan

Bata lang din at sakit ay nararanasan

Kaya kung susumahin ay parang basong babasagin

Pag-aaruga ng magulang ay umaapaw

Pagmamahal ay hindi magkamayaw

Dahil si Rizal ay parang ginto

Kumikinang sa magulong mundo