Paraan ang Sandata, Sa Kaalaman

by: Yayay

Isang bata na hangad lahat ay malaman

Lahat ng may buhay sa mundong kinagisnan

Mga katanungan na bumabadya sa isipan

Maliit mang nilalang, binibigyang kahulugan

Masasakit na salita sa kaniya’y ipinipintas,

Sapagkat siya’y di gumagamit ng dahas

Nais nya’y mausisa mga bagay gamit ang talas

Ng isipan na sa kaniya’y pinagkaloob ng nasa itaas

Ang ina ang siyang tumugon sa mga katanungan,

Na nagturo sa kanya at nagbigay ng kaalaman

Ngunit may mga bagay na sa kaniyang sinusuway

Sapagkat lahat ng bagay gusto niyang masubukan.

Tulad ng ibang kabataan, umuuwing may dungis ang katawan

Paghahanap ng kaalaman, maging sa kagubatan

Tulad niya na sumusubok kahit pinagbabawal,

Sapagkat kagustuhan malaman, gumagawa ng paraan

Bilang isang ako, may bagay na sa kanya’y may natutunan

Ako na may mga gustuhing bagay na nais ding malaman

walang mali sa pagsubok gamit ang sariling isipan

sapagkat may bagay na madali malaman kung ito ay susubukan

Marahil mali man o kontra sa isipan ng iba

mahalaga’y sa bawat gagawin ay may matututunan ka

na siyang maiiaambag mo sa iyong kaisipan

at sa iba ay makadadagdag din ng kaalaman.